അദ്ദിക്ർ

36: 10 ല്‍, കാഫിറുകളുടെ കാര്യം, നീ അവരെ താക്കീത് നല്‍കുന്നതും അതല്ല, നീ അവരെ താക്കീത് നല്‍കാതിരിക്കുന്നതും സമമാണ്, അവര്‍ വിശ്വസിക്കുന്നവരാവുകയില്ല എന്നും; 36: 11 ല്‍, അദ്ദിക്ര്‍ പിന്‍പറ്റുന്നവനെയും നിഷ്പക്ഷവാനെ ഗ്രന്ഥത്തില്‍ നിന്ന് കണ്ട് ഭയപ്പെടുന്നവനെയും മാത്രമാണ് നീ ഉണര്‍ത്തുക, അപ്പോള്‍ അവന് പാപമോചനം കൊണ്ടും മാന്യമായ പ്രതിഫലം കൊണ്ടും സന്തോഷവാര്‍ത്ത അറിയിക്കുക എന്നും പറഞ്ഞിട്ടുണ്ട്. ഇന്ന് അജയ്യഗ്രന്ഥമായ അദ്ദിക്ര്‍ രൂപപ്പെട്ടിരിക്കെ 3: 101-102; 5: 48 സൂ ക്തങ്ങളില്‍ വിവരിച്ച പ്രകാരം ആരാണോ അതിനെ മുറുകെപ്പിടിച്ചത്, അപ്പോള്‍ അവന്‍ നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു. 36: 55-58 ല്‍ പറഞ്ഞ പ്രകാരം വിശ്വാസികളും അവരുടെ ഇണകളും ശീതളച്ഛായയില്‍ ചാരുമഞ്ചങ്ങളിലിരുന്ന് സല്ലപിക്കുന്നവരായിരിക്കുമെങ്കില്‍ 37: 22 ല്‍ പറഞ്ഞ പ്രകാരം അദ്ദിക്റിനെ തള്ളിപ്പറഞ്ഞ് ജീവിക്കുന്ന ഫുജ്ജാറുകളായ അക്രമികളും അവരുടെ ഇണകളും നരകക്കുണ്ഠത്തില്‍ പ്രവേശിപ്പിക്കപ്പെടുന്നവരാണ്. 4: 114; 16: 114; 24: 3 വിശദീകരണം നോക്കുക.